निर्दोष ठहरिए जोनी डिप, पूर्वपत्नीलाई १५ मिलियन क्षतिपूर्ति तिर्न अदालतको आदेश

काठमाडौं । प्रख्यात हलिउड स्टार जोनी डिप र उनकी पूर्वपत्नी एम्बर हर्डबीच चलिरहेको मानहानीसम्बन्धी मुद्दामा अदालतले फैसला सुनाएको छ । ६ हप्तादेखि चलिरहेको बहस र बयानपश्चात अदालतले जोनी डिपलाई निर्दोष ठहर गर्दै एम्बर हर्डलाई १५ मिलियन डलर क्षतिपूर्ति तिर्ने आदेश दिएको हो ।

हर्डले आफू घरेलु हिसांमा परेको, डिपले आफूलाई शारीरिक तथा मानसिक यातना दिएको र सार्वजनिक स्थानमा समेत दुर्व्यवहार गरेकोलगायतका आरोप लगाउँदै अदालतमा मुद्दा दायर गरेकी थिइन् । मुद्दा दायर गर्नुपूर्व हर्डले द वासिङ्टन पोस्टमा आफू घरेलु हिसांमा परेको भनेर एक लेखसमेत प्रकाशित गरेकी थिइन् ।

डिपले भने सुरुदेखि नै हर्डको आरोपलाई अस्वीकार गर्दै आएका थिए । अदालतले आफ्नो पक्षमा फैसला सुनाएपछि डिपले सम्पूर्ण न्यायाधीश र शुभचिन्तकहरुलाई धन्यवाद प्रकट गर्दै उक्त निर्णयले आफ्नो जीवन फर्किएको बताएका छन् ।

यता एम्बरले भने अदालतको निर्णयले आफू स्तब्ध र निःशब्द भएको जनाएकी छिन् ।