कैलालीकाे गोदावरीको प्रमुखमा कांग्रेस र उपप्रमुखमा एमाले विजयी
नेपाल प्रेस
२०७९ जेठ ४ गते १५:०३
कैलाली । कैलालीको गोदावरी नगरपालिकाकाे प्रमुखमा नेपाली कांग्रेसका वीरेन्द्र भट्ट तथा उपप्रमुखमा नेकपा एमालेकी शारदादेवी रोकाया विजयी भएका छन् ।
कांग्रेसका भट्टले नेकपा एमालेका गोकर्ण भट्टलाई ४ हजार २७७ मतले पछि पार्दै विजयी भएका हुन् । भट्टले १५ हजार ५०१ मत पाउँदा एमालेका भट्टले ११ हजार २२४ मत पाएका थिए ।
त्यस्तै उपप्रमुखमा नेकपा एमालेकी रोकायाले एकीकृत समाजवादीकी रत्ना कडायतलाई ६८७ मतले पछि पार्दै विजयी भएकी हुन् । रोकायाले १० हजार ६७० मत पाउँदा समाजवादीकी कडायतले ९ हजार ९८३ मत पाएकी छिन् ।
यस्तै नगरभित्रका १२ वटा वडामध्ये ७ वटामा कांग्रेस विजयी भएको छ । एमालेले ४ वटामा जित हात पारेको छ ।
नेपाल प्रेस
प्रकाशित: २०७९ जेठ ४ गते १५:०३
प्रतिक्रिया
सम्बन्धित खवर
