कागेश्वरी मनोहरामा एमालेले कांग्रेसलाई उछिन्यो
नेपाल प्रेस
२०७९ वैशाख ३१ गते १०:४७
काठमाडौं । काठमाडौंको कागेश्वरी मनोहरा नगरपालिकाको मेयरमा कांग्रेसलाई पछाडि धकेल्दै नेकपा (एमाले) ले अग्रता लिएको छ । प्राप्त मत परिणाम अनुसार एमालेका रामशरण ढुंगानाले २३८ मतका साथ झिनो अग्रता लिएका हुन् । उनलाई कांग्रेस उम्मेदवार उपेन्द्र कार्कीले २२२ मत ल्याएर पछ्याइरहेका छन् ।
उपमेयरमा भने फराकिलो अन्तरका साथ एमाले उम्मेदवार अगाडि बढेकी छन् । एमालेकी शान्ता थापाले २४० मत ल्याउँदा गठबन्धनबाट माओवादी उम्मेदवार भोला चापागाईंले १२६ मतमात्र ल्याएका छन् ।
तेस्रो स्थानमा नेकपा एकीकृत समाजवादी छ । सो पार्टीबाट मेयर उम्मेदवार कृष्णहरि थापाले ८ मत र उपमेयरमा सरस्वती नेपालले ४ मत पाएकी छन् ।
३५ हजार ४९३ मतदाता रहेको यो नगरपालिकामा २६ हजार ९२८ मत खसेको थियो ।
नेपाल प्रेस
प्रकाशित: २०७९ वैशाख ३१ गते १०:४७
प्रतिक्रिया
सम्बन्धित खवर
