जिम्बावे ‘ए’ को ब्याटिङ चलेनः नेपाललाई ८८ रनको लक्ष्य
काठमाडौं । करण केसी र सोमपाल कामीको कसिलो बलिङमा टिक्न नसकेको जिम्बावे ‘ए’ ले नेपाललाई ८८ रनको समान्य लक्ष्य दिएको छ ।
त्रिवि क्रिकेट मैदानमा जारी एकदिवसीय श्रृङखलाको दोस्रो खेलमा टस जितेर पहिला फिल्डिङ रोजेको नेपालले सुरुवात देखिनै बलिङमा राम्रो प्रदर्शन गरेको थियो ।
जिम्बावे ३१.५ ओभरमा ८७ रन बनाएर अलआउट भयो ।पहिलो बलमै ओपनर इन्नोसेन्ट कियालाई गुमाएको जिम्बावेका लागि जोनाथान काम्पवेलले सर्वाधिक २७ रन, ब्राड इभान्स २० र चेफास जुवावो १० बाहेक कुनै पनि ब्याटरले दोहोरो रन बनाउन सकेनन् ।
नेपालको वलिङमा करण केसी र सोमपाल कामीले सर्वाधिक तीन तीन विकेट लिए । भने, सागर ढकाल १ र कप्तान सन्दीप लामिछानेले २ विकेट लिए ।