फिल्म उद्योग र फेसन उद्योगमा यौन शोषण सामान्य हो : कगंना रनौत

मुम्बई । यौन दुर्व्यवहार र उत्पीडनको अनुभवहरू सार्वजनिक गर्ने सामाजिक आन्दोलन हो ‘मिटु’ अभियान।

पहिले भारतमा मीटु आन्दोलन असफल भएको बताएकी कंगना रनौतले अहिले आफ्नो शो ‘लक अप’ मा आफ्नो यौन दुर्व्यवहारका कथाहरू साझा गर्ने महिलाहरूलाई समर्थन गर्दा आफूलाई फिल्म उद्योगले प्रतिबन्ध लगाएको कुरा खुलासा गरेकी छिन्।

बलिउड अभिनेत्रीले यसका साथसाथै आफूले सपोर्ट गरेको महिलाहरु अहिले हराएको समेत बताइन् ।

रनौत भन्छिन, ‘जुन महिलाहरु आरोप लगाएर अगाडि आएका थिए, ती सबै अहिले हराए । मलाई उद्योगबाट प्रतिबन्ध लगाइएको थियो भने मैले समर्थन गरेका महिलाहरू सबै गायब भए।’

उनीले भनिन्, ‘मलाई लाग्छ फिल्म उद्योग र फेसन उद्योगमा युवाहरूको यौन शोषण धेरै सामान्य हो। हामीले उद्योगलाई जतिसुकै रक्षा गरे पनि यो सत्य हो । यो उद्योगले धेरैलाई अवसरहरू दिएको छ तर यसले धेरैको सपनाहरू चकनाचुर पार्नुका साथसाथै मानिसहरूलाई स्थायी रूपमा नमिठो दाग पनि दिएको छ। र यहीँ कालो सत्य हो।’