प्युठनको झिमरूकमा जनमोर्चा र कांग्रेस तथा माओवादी र एमालेको गठबन्धन
नेपाल प्रेस
२०७९ वैशाख १६ गते १९:०३
रूपन्देही । राष्ट्रिय जनमोर्चाको आधार इलाका प्युठनको झिमरूक गाउँ पालिकामा जनमोर्चा र कांग्रेस तथा माओवादी र एमालेको अलग अलग गठबन्धन बनेको छ ।
सत्ता गठबन्धनको सहमतिविरूद्व माओवादीले एमालेसँग गठबन्धन गरेको भन्दै जनमोर्चाले आपत्ति जनाएको छ ।
अलग अलग उम्मेदवारी दिएको नेकपा एमालेले अध्यक्ष पदको उमेदवारी फिर्ता लिएको छ । अध्यक्षका उमेदवार हुकुमबहादुर खड्काले उमेदवारी फिर्ता लिएका हुन् ।
त्यस्तै, गाउँपालिका उपाध्यक्षमा उमेदवारी दिएकी नेकपा माओवादी केन्द्रकी रुपा जिसीले पनि उमेदवारी फिर्ता लिएकी हुन् । दुवै पार्टी मिलेर चुनाव लड्ने नेताहरूले बताएका छन् ।
झिमरुकमा नेपाली कांग्रेस र राष्ट्रिय जनेमार्चाको चुनावी तालमेल गरेका छन् । जनमोर्चाले गाउँपालिका अध्यक्ष र कांग्रेसले उपाध्यक्षमा उमेदवारी दिएका छन् ।
नेपाल प्रेस
प्रकाशित: २०७९ वैशाख १६ गते १९:०३
प्रतिक्रिया
सम्बन्धित खवर
