के के हुन् सिर्जना सिंहले गरेका सात संकल्प ?

काठमाडौं । गठबन्धनबाट काठमाडौं महानगरको प्रमुखको उम्मेदवार बनेकी कांग्रेस नेतृ सिर्जना सिंहले सात संकल्प सार्वजनिक गरेकी छिन् ।

काठमाडौं महानगरको प्रमुखका रूपमा आफूले गर्ने कामलाई ७ संकल्पमा लिपिबद्ध गर्दै सिर्जनाले चुनावी प्रचारको अभियान थालेकी हुन् । आफ्ना संकल्प सार्वजनिक गर्दै उनले काठमाडौंलाई ‘सम्मुनत र सुरक्षित सहर’ बनाउने बताइन् ।

सिंहको संकल्पमा महानगरले दिने सेवाहरूलाई चुस्त एवं भ्रष्टाचारमुक्त बनाउने उल्लेख छ । सबै वडामा शहरी स्वास्थ्य प्रवर्द्धन केन्द्र बनाउनेदेखि काठमाडौंलाई ‘फोहोरमुक्त’ बनाउने योजना पनि सिंहका संकल्पमा समेटिएका छन् ।

महानगरलाई पैदलयात्रीमैत्री सहर बनाउने, मौलिक भाषा, संस्कृति र पर्वहरुको संरक्षण गर्ने, युवा र महिलाका लागि अवसर उपलब्ध गराउने लगायतकाविषय संकल्प पत्रमा उल्लेख छन् ।

सिंहले गरेका सात संकल्पहरू यसप्रकार छन् –

१. सेवा र सुशासन

२. शिक्षा, स्वास्थ्य तथा सामाजिक सुरक्षा

३. स्वच्छ, सफा, दिगो पर्यावरण

४. सुरक्षित सहर

५. संस्कृति, सम्पदा र सभ्यता

६. सबल र सम्मुनत पूर्वाधार

७. सबल युवा, स्वावलम्बी महिला, सृजनशील महानगरबासी