खेम प्रसाईंको ‘शुभकामना’ गीत बजारमा (भिडिओ)

काठमाडौं । नयाँ वर्ष २०७९ लाइ लच्छित गरि गीतकार खेम प्रसाईंको नयाँ म्युजिक भिडिओ शुभकामना सार्वजनिक भएको छ ।

प्रसाईंको म्युजिक भिडिओमा राजनीति, प्रशासन, बालबालिका, युवा लगायत समग्र विषय र पेशालाई सम्बोधन गरिएको पाइन्छ ।

गायक दीपक लिम्बुको स्वर रहेको उक्त गीतमा गायिका बेनिसा पौडेलले पनि स्वर भरेकी छन् । गीतकार खेम प्रसाईंको शब्द सिर्जना रहेको उक्त गीतमा महेश खड्काले संगीत भरेका हुन्। उक्त भिडिओमा प्रसाईं आफैंले पनि अभिनय गरेका छन् ।
प्रसाईंको उक्त म्युजिक भिडिओको मिनाक्षी कोइरालाले निर्देशन गरेकी हुन् । यस्तै सिनेमाटोग्राफी अर्जुन तिवारीले गरेका हुन् । जसमा प्रशान्त मगरको कोरियोग्राफी रहेको छ।

म्युजिक भिडियोमा गीतकार प्रसाईंसहित संगीतकार महेश खड्का, रुक्सना लिम्बूलगायत कलाकारको अभिनय रहेको छ ।

शिक्षण पेसामा समेत रहेका गीतकार प्रसाईं लामो समयदेखि सिर्जनामा पनि सक्रिय रहँदै आएका छन् । यसबाहेक उनले अन्य थुप्रै गीत तथा साहित्य सिर्जना गरिसकेका छन् ।