मन्त्री आलेको प्रशंसा गर्दै सोहेल खानले भने : उहाँलाई व्यापारको पनि राम्रो ज्ञान रहेछ (भिडिओ)

काठमाडौं । बलिउड सिनेमाका सुपरस्टार सलमान खानको आगामी महिना आयोजना हुन लागेको कन्सर्ट दबगंको तयारीका लागि काठमाडौं आएका उनका भाइ तथा अभिनेता सोहेल खानले सँस्कृति तथा पर्यटन मन्त्री प्रेम आलेदेखि निकै प्रभावित भएको बताएका छन् ।

कन्सर्टका विषयमा जानकारी गराउन सोल्टी होटलमा जारी पत्रकार सम्मेलनमा उनले यस्तो धारणा व्यक्त गरेका हुन् ।

उनले भने, ‘विश्वभरमा नेपाललाई पहिचान दिलाउने व्यक्तिमा हुन पर्ने सबै गुण उहाँ (प्रेम आले)मा पाएँ , म उहाँबाट अत्यन्तै प्रभावित भएको छु । हाम्रो पहिलो भेटमै मैले थाहा पाएको थिएँ उहाँलाई व्यापारको पनि राम्रो ज्ञान छ, त्यो भेटमा हामीले सुरुको पाचँ मिनेटसम्म एकअर्काको परिवारको बारेमासमेत सोधेनौँ, हामीले पर्यटन विकासको मात्र कुरा गर्‍याैं र वास्तवमा त्यही नै महत्वपूर्ण कुरा हो । हुन त हाम्रो सम्बन्ध भर्खर सुरु भएको छ तर यसलाई अघि बढाउनको लागि हामी तत्पर छौं। आउँदै गरेको कन्सर्टलाई पनि उहाँले कुनै पनि ढगंबाट बोझको रुपमा लिइदिनु भएन, उहाँ वास्तवमा नै हामीले चाहे जस्तै हुनुहुन्छ।’