लिटल प्रिन्स एन्ड प्रिन्सेसको उपाधि अभिश्री र समीक्षालाई

काठमाडौं । लिटल प्रिन्स एण्ड प्रिन्सेसको दोस्रो संस्करण राष्ट्रिय नाचघरमा सम्पन्न भएको छ । प्रतियोगिताको उपाधि अभिश्री कुमारी गौतम र समीक्षा मोक्तानले हात पारेका छन् ।

इनोभेसन इभेन्ट म्यानेजमेन्ट (आईईएस) ले भक्तपुर निष्टसँगको सहकार्यमा आयोजना गरेको उक्त कार्यक्रममा प्रतियोगीलाई दुई समूहमा विभाजन गरिएको थियो । समूह-ए बाट अभिश्री र समूह-बी बाट समीक्षाले उपाधि जितेका हुन् ।

प्रतिस्पर्धामा समूह-ए बाट विशेषता पौडेल र समूह-बी बाट सिमोन बरुवाल फस्र्ट रनर अप भए् । त्यसैगरी सेकेन्ड रनर अपको उपाधी समूह-ए बाट प्रज्ना भुसाल र समूह-बी बाट सुप्रिम खत्रीले प्राप्त गरे । यस्तै, थर्ड रनर अपमा समूह-ए बाट अर्थ ढकाल र समूह-बी बाट आकांक्षा पोख्रेल तथा फोर्थ रनर अपमा समूह-ए बाट स्नीग्धा ढकाल र समूह-बीबाट सूबीसा श्रेष्ठ चुनिएका छन् ।

लिटल च्याम्प अफ द इभेन्टमा महिलातर्फबाट आश्रा बोहरा र पूरुषतर्फबाट प्रसिस चौलागाईं घोषित भएका छन् । कार्यक्रम पूर्णरुपमा सफल भएको आयोजक महेश केसीले बताए ।

कार्यक्रमका निर्णायकहरूमा रुष्का श्रेष्ठ, जीवन गिरी, सुवर्ण खड्का, प्रमिला, अभिविन्द खानिया, आकांक्षा भट्टराई रिमाल, सनिस शाक्य, पवन आचार्य, धिरज तन्डुकार, ईरीना श्रेष्ठ र अनिसा शाक्य रहेका थिए ।