‘चपली हाइट ३’ हेरेपछि कसले के भने : भोलिदेखि देशब्यापी हुँदै रि-रिलिज

काठमाडौं । कोरोनाभाइरस महामारीको तेस्रो लहरमा चल्दाचल्दै रोकिएको फिल्म चपली हाइट ३ आइतबारदेखि देशब्यापी प्रदर्शन हुँदैछ । रि-रिलिजको पूर्वसन्ध्यामा फिल्मलाई राजधानीको क्यूज हलमा विशेष प्रदर्शन गरियो ।

फिल्मले प्रिमियरमा राम्रो प्रतिक्रिया प्राप्त गरेको छ । चपली हाइट ३ हेरेपछि कसले के भने :

निर्माता अर्जुन कुमार :

एउटा मौका पाएको छु । त्यसलाई भरपुर प्रयोग गरौं । अन्तिम अवस्थामा बोल्न बाध्यता नपार्नूस । सबैको फिल्म हो मेरो मात्र हैन । स्वस्तिमा किन आउनु भएन, उहाँलाई घरमै गएर सोध्नूस ।

अभिनेता महेश त्रिपाठी :

इमान्दार भएर काम गरेको छु । प्रतिक्रिया जताततैबाट राम्रो प्रतिक्रिया पाउँदा रमाइलो लागिरहेको छ । पात्रको परिस्थितीको दायरालाई ब्रेक नगरिकन काम गरेका छौं । १५ वर्षदेखि एक्टरकै रुपमा काम गरेका थिएँ । आफूलाई मासमा पु¥याउन चपली हाइटमा काम गर्ने मौका पाएँ । टीम एकदमै राम्रो रह्यो ।

निर्देशक निकेश खड्का

रिभ्यू राम्रो आएकैले रिरिलिज गरेका हौं । चपली हाइट ३ गर्दा सुरुदेखि नै स्टोरीमा राम्रोसँग छलफल गरेका थियौं । स्टोरी लाइनलाई फोकस गरेर अघि बढेका हौं । ग्ल्यामरभन्दा सस्पेन्स थ्रीलरमा केन्द्रित भएका हौं ।

अभिनेता विशाल पहारी

यसअघि हेरेका साथीमध्ये आधीले राम्रो र आधीले ठीकै छ भन्नुभयो । त्यतिबेला हेर्न पाइन । आजमात्र हेर्न पाएँ । आज मात्र मूभी हेर्दा लाग्यो, ठीकै छ भन्ने साथीहरु गलत हुनुहुँदो रहेछ । स्क्रिप्ट हेर्दा नै मैले सोहीअनुसार फिल्म बनाउन सुझाएको थिएँ । सोहीअनुसार पाएँ ।

प्रतीकमान श्रेष्ठ

मेरो क्यारेक्टर पनि राम्रै लागेर गरेको हो । चिन्नेजान्ने र आफन्तजनले फस्ट टाइम काम गरेपनि अनुभवीजस्तै काम गरेको भन्नुभएको छ । फिल्म करिअरलाई नै अघि बढाउँछु ।