तक्मे बुढाको ‘आकाशे खेती’ टीजर लन्च : नेपाल हुँदै तिब्बतबाट हुने मानव तस्करीको कथा

काठमाडौं । नेपालको बाटो हुँदै चीनको तिब्बतबाट भारत हुने मानव तस्करीको कथावस्तुमा आधारित फिल्म ‘आकाशे खेती’को टीजर ट्रेलर इन्टरनेट लन्च भएको छ ।

उदय सुब्बा निर्देशित फिल्मले मोटो रकम लिएर दलालहरुले तिब्बतीलाई नेपाल हुँदै भारत छिराउने कथा पेश गरेको छ । गौरव पहारी, विल्सनविक्रम राई, बुद्धि तामाङ, नीता ढुंगाना, रविन्द्र झा, शिशिर बाङ्देलको मुख्य भूमिका छ ।

‘एक चीन’ नीतिप्रति प्रतिबद्ध नेपालको फितलो कानूनलाई चुनौति दिँदै सीमापार हुने घुसपैठ र मानव तस्करीको घटना टीजरमा चित्रण छ । साथै, कमेडी, एक्सन र ड्रामाका तत्वहरु समेत मिश्रित छ ।

केदार उप्रेती, जीवन सुब्बा, राजेन्द्र चोङबाङ, दिलप्रकाश याक्सो निर्माता रहेको फिल्मको पटकथा समेत निर्देशक सुब्बा आफैले लेखेका हुन् । विल्सनको संवाद रहेको फिल्ममा विक्रम डीसीको छायांकन, सुजन बडालको सम्पादन, राजु किराँतीको एक्सन, विकास चौधरी र बादल लिम्बुको संगीत छ ।

फागुन २७ गते फिल्म रिलिज तयारीमा छ ।