के अञ्जु पन्त स्थायीरुपमै अमेरिका बस्न थालेकी हुन् ?

काठमाडौं । एक सांगीतिक कार्यक्रमको लागि भनेर अमेरिकी हानिएकी गायिका अञ्जु पन्त लामै समयदेखि स्वदेश फर्किएकी छैनन् । नेपालमा रहँदा निकै व्यस्त गायिका अमेरिकामै बसोबास गर्ने अड्कलबाजी सुरु भएको छ ।

अञ्जु र उनका पति थीर कोइराला अमेरिकामा गएको झन्डै १ वर्ष हुन लागेको छ । सन् २०२१ को फेव्रुअरीमा बिहे गरेको यो जोडी बिहेको एक महिनामै अमेरिका उडेको थियो ।

अमेरिकामा रहँदा अञ्जु एकाध गीतको रेकर्डिङमा ब्यस्त छिन् । अञ्जु र थीर नेपाल नफर्कने गरी अमेरिकामा भासिन लागेको आशंका उनका प्रशंसकमाझ सुरु भएको छ ।

तर, थीरले चाहिँ आफूहरु अमेरिकामा केही काममा व्यस्त रहेको र काम सकेर चाँडै नेपाल फर्कन लागेको बताइरहेका छन् । तर, के काममा आफूहरु व्यस्त भएको भन्ने कुरा चाहिँ उनले खुलाएनन् ।

नेपालका चर्चित सेलेव्रिटी अमेरिका पुगेर नफर्किएको कुरा चाहिँ नयाँ होइन । यो प्रवृत्तिबीच अञ्जु र थीर पनि नफर्कने शंका गर्नुलाई अस्वभाविक मान्न सकिँदैन ।