शुक्रबारदेखि गुरुकुलमा नाटक ‘पुतलीको घर’ मञ्चन हुँदै

काठमाडौं । कोरोनाभाइरस महामारीले रोकिएको नाटक ‘पुतलीको घर’ शुक्रबारदेखि पुनः मञ्चन हुने भएको छ ।

एक दशकपछि पुनः संचालनमा आएसँगै गुरुकुलले उक्त नाटकलाई मंचनमा ल्याएको थियो तर केही दिनमै सरकारले निषेधाज्ञा लागू गरेपछि मंचन रोकियो ।

निर्देशक सुनिल पोखरेलले माघ २८ देखि फागुन ७ गतेसम्म उक्त नाटक थापागाउँस्थित कुञ्ज थिएटरमा मंचन हुने जनाएका छन् । रोकिएका अन्य नाटकहरु पनि पुनः संचालनमा आउने जनाइएको छ ।

नाटकको मुख्य भूमिकामा निशा शर्मा छिन् । सुनिलकै अनुवाद र निर्देशन रहेको यो नाटकमा उनीसहित शेखर चापागाइँ, अञ्जु देउजा लगायतको अभिनय छ । यसै नाटकमार्फत आरोहण गुरुकुलले नाटक मंचनमा पुनरागमन गरेको थियो ।