‘परस्त्री’को लिड फिमेलमा शिल्पा मास्के अनुबन्धित

काठमाडौं । सुरज पाण्डेको डेव्यु निर्देशन रहने फिल्म ‘परस्त्री’को मुख्य भूमिकामा अभिनेत्री शिल्पा मास्के अनुबन्धित भएकी छन् । फिल्ममा उनी लिड एक्टर कोसिस क्षेत्रीको अपोजिटमा देखिनेछिन् । क्षेत्री यसअघि नै मुख्य भूमिकामा अनुबन्धित भैसकेका छन् ।

मुख्य भूमिकाको लागि अझै एकसाता अभिनेता र अभिनेत्रीको खोजी भैरहेको निर्माता तथा लेखक दीपेन्द्र खनालले बताए । छिटै सिनेमाको मुख्य कलाकार छनोट कार्य सकेर वर्कसप गरिने निर्माता खनालको भनाई छ । हाल धमाधम सिनेमाको प्रि-प्रोडक्सनको काम भैरहेको छ ।

फागुन तेस्रो साताबाट फ्लोरमा जाने फिल्म नेपालीसँगै हिन्दी भाषामा समेत निर्माण गरिनेछ । डीएस डिजिटलको व्यानरमा निर्माण गरिने फिल्मकी प्रस्तुतकर्ता शर्मिला पाण्डे हुन् । सम्पूर्ण छायांकन गरिने सिनेमालाई निरज कँडेलले छायांकन गर्नेछन् ।

निर्देशक खनालले निर्मात्री शर्मिला पाण्डेसँग मिलेर निर्माण गरेको सिनेमा ‘चिसो मान्छे’ प्रदर्शनको तयारीमा छ । यो सिनेमा आगामी वर्षको बैशाख ३० गतेबाट प्रदर्शनमा आउनेछ ।