गायिका मंगेशकरको निधनमा राष्ट्रपति भण्डारीद्वारा दुःख व्यक्त

काठमाडौं । कालजयी भारतीय गायिका लता मंगेशकरको निधनमा राष्ट्रपति विद्यादेवी भण्डारीले दुःख व्यक्त गरेकी छिन् । धेरै नेपाली गीतलाई समेत आफ्नो समधुर आवाजले सजाएकी गायिका मंगेशकरको निधनमा उनले शोक व्यक्त गरेकी हुन् ।

ट्वीटरमार्फत राष्ट्रपति भण्डारीले लतालाई असाधारण प्रतिभा भएको उल्लेख गरेकी छिन् । राष्ट्रपति भण्डारीले लेखेकी छिन् : धेरै नेपाली गीतलाई समेत आफ्नो सुमधुर आवाजले सजाउनु भएकी भारतकी प्रख्यात गायिका लता मङ्गेशकरको निधनको खबरले मलाई दुखी बनाएको छ । असाधारण प्रतिभाकी धनी दिवंगत लता मङ्गेशकरप्रति भावपूर्ण श्रद्धाञ्जली अर्पण गर्दछु ।’

धेरै नेपाली गीतलाई समेत आफ्नो सुमधुर आवाजले सजाउनु भएकी भारतकी प्रख्यात गायिका लता मङ्गेशकरको निधनको खबरले मलाई दुखी बनाएको छ । असाधारण प्रतिभाकी धनी दिवंगत लता मङ्गेशकरप्रति भावपूर्ण श्रद्धाञ्जली अर्पण गर्दछु ।

— Bidya Devi Bhandari (@PresidentofNP) February 6, 2022

केही नेपाली गीतमा समेत आफ्नो आवाज दिएकी प्रख्यात भारतीय गायिका मंगेशकरको आज मुम्बईमा ९२ वर्षको उमेरमा निधन भएको छ । उनको निधनमा नेपाली राजनीतिज्ञ, सेलेव्रिटी र सर्वसाधारणले समेत सामाजिक संजालमार्फत शोक व्यक्त गरेका छन् ।