रातेकाइँला बलिउड जाने भएपछि ‘लाखे’मा भिलेन फेरिए : सुनिल आउट, प्रशान्त इन

काठमाडौँ । हरि मल्ल ठकुरी कार्यकारी निर्माता रहेको फिल्म ‘लाखे’मा अभिनेता प्राशान्त ताम्राकार भित्रिएका छन् । फिल्मको मुख्य भिलेन (नेगेटिभ) भूमिकाको लागि उनी अनुबन्धित भएका हुन् ।

यसअघि भिलेन भूमिकामा सुनिल थापा छानिएका थिए । थापाले बलिउड फिल्ममा अभिनय गर्नुपर्ने भएकाले समय दिन नसक्ने बताउँदै उनकै सहमतिमा ताम्राकार लिएको निर्देशक सम्राट बस्नेतले बताए ।
अभिनेता ताम्राकारले आफू‘लाखे’ मा जोडिन पाउँदा खुसी लागेको बताए ।

‘लाखे’ मल्टिस्टार कलाकारले भरिएको फिल्म हो’ ताम्राकारले भने ‘एकसाथ धेरै स्टार कलाकारसँग काम गर्न पाउदा निकै खुसी लागेको छ ।’ फिल्ममा आफुले सक्दो नयाँ र राम्रो काम गर्न कोसिस गर्ने ताम्राकारले सुनाए ।

‘लाखे’ अहिले छायांकन भइरहेको फिल्म हो । काठमाडौँ उपत्यकाको बिभिन्न स्थानमा छायांकन भइरहेको छ । फिल्ममा अनुपविक्रम शाही, आर्यन अधिकारी, अर्पण थापा, सुशील सिटौला, बर्षा राउतको अभिनय छ ।

ग्लोबल मिडिया एण्ड रिसर्च सेन्टर तथा औरियन प्रोडक्सनको ब्यानरमा निर्माण हुने फिल्मका निर्माता सिजन अर्याल हुन् । कथासमेत निर्माता अर्यालकै रहेको फिल्मको गणेश मल्ल ठकुरी प्रस्तुतकर्ता हुन् ।