टीकटकमा लाइभ आउँदै मेलिना भन्छिन् : उपयुक्त समयमा फिल्ममा कमब्याक हुन्छु

काठमाडौं । कुनैबेलाकी हिट अभिनेत्री मेलिना मानन्धर अहिले अमेरिकामा छिन् । ‘प्रेयसी’ नायिकाको पछिल्लो फिल्म ‘रोमियो’ सन् २०१७ मा रिलिज भएको थियो ।

अहिले पनि मेलिनाको क्रेज उस्तै छ । सामाजिक संजालमार्फत उनी दर्शकसँग अन्तक्रियामा जुटिरहेकी छिन् । टीकटकमा उनी दिनहुँ लाइभमा आउँछिन् र दर्शकका प्रश्नमा उत्तर दिन्छिन् ।

टीकटकमा मेलिनालाई चाँडै फर्कनुपर्‍यो भनेर दर्शकले आग्रह गरिरहेका हुन्छन् । फ्यानलाई आश्वस्त तुल्याउँदै मेलिना भन्छिन् : सकेसम्म चाँडै फर्कने तयारीमा छु । ठ्याक्कै यही दिन भन्नेछैन ।’

चाँडै नेपाल फर्किएर एउटा फिल्म गर्ने आफ्नो योजना रहेको मेलिनाको भनाई छ । ‘तपाईंहरुले मलाई चाँडै पर्दामा देख्न सक्नुहुन्छ’ हालैको एक टीकटक लाइभमा मेलिनाले भनिन्, ‘यसका लागि विचार गरिरहेकी छु ।’

कोरोनाभाइरस महामारीअघि अमेरिका पुगेकी मेलिना अहिले त्यहाँ सपरिवार बस्दै आएकी छिन् । फिल्म तथा सिरियल निर्मात्री समेत रहेकी मेलिनाले नेपालीसहित नेवारी भाषाका फिल्ममा समेत अभिनय गरेकी छिन् ।