अविवाहित सुपरस्टार रिहानाले सार्वजनिक गरिन् बेबीबम्प !

न्यूयोर्क । सुपरस्टार रिहानाका प्रशसकलाई ‘सरप्राइज’ खबर छ ! सन्तानलाई जन्म दिन लागेको खबरसहित उनले बेबी बम्प तस्बिर सार्वजनिक गरेकी छिन् ।

‘डायमन्ड’ र ‘अम्ब्रेला’ गायिकाको यो खबर किन पनि आश्चर्य पार्ने किसिमको छ भने उनी अविवाहित हुन् । रिलेसनसिपलाई लिएर समेत खुलेकी थिइनन् ।

प्रेग्नेन्टको खबर सार्वजनिक भएसँगै उनी र्‍यापर ब्वाइफ्रेन्ड असाप रक्कीसँग हात समात्दै हिँडेको बेला भेटिएकी थिइन् । सो बेला रिहानाको बेबी बम्प स्पष्ट देखिएको थियो ।

न्यूयोर्कमा भएको भारी हिमपातपछि खिचिएको रिहानाको बेबी बम्प तस्बिरलाई सेलेव्रिटी फोटोग्राफर माइल्स डिग्सले इन्स्टाग्राममार्फत सार्वजनिक गरेका थिए ।

३३ वर्षिया रिहाना नयाँ एल्बम ल्याउने तयारीमा छिन् भने सन् २०१६ मा उनको स्टुडियो एल्बम रिलिज भएको थियो । मेकअप र फेसन ब्रान्ड व्यवसायको कारण उनी फोब्र्स अर्बपतिको सूचीमा समेत सामेल भएकी छिन् ।

असाप र रिहानाबीच केही वर्षदेखि डेटिङ चलिरहेको हल्ला थियो तर, गत वर्षमात्र यी दुईबीचको सम्बन्धले औपचारिकता पाएको थियो । सन् २०२१ को मे महिनामा जिक्यू म्यागजिनमा प्रकाशित अन्तर्वार्तामा असापले रिहानालाई मेरो जीवन भनेर सम्बोधन गरेका थिए ।