आलिया र जुनियर एनटीआरले अर्को एक तेलुगु फिल्ममा सहकार्य गर्ने

मुम्बई । निर्देशक एसएस राजामौलीको ‘आरआरआर’मा केमियो भूमिका निर्वाह गरेपछि आलिया भाटको आकर्षण तेलुगु फिल्मप्रति देखिएको छ ।

हैदराबादमा चलेको हल्लाअुनसार आलियाले अर्को एक तेलुगु फिल्म साइन गरेकी छिन् जसमा उनी जुनियर एनटीआरको अपोजिटमा देखिने भएकी छिन् ।

सन् २०१६ मा जुनियर एनटीआरलाई लिएर ‘जेनेथा ग्यारेज’ निर्देशन गरेका कोर्टाला सिभाले निर्देशन गर्ने उक्त अनटाइटल फिल्म फेब्रुअरीदेखि छायांकनमा जाने भएको छ ।

हैदराबाद स्रोतका अनुसार जुनियर एनटीआर र कोर्टालाबीच दोस्रो सहकार्य हुन लागेको हो । आलिया र एनटीआर आरआरआरको छायांकनको क्रममा मिल्ने साथी बनेका थिए ।