क्रेजिकोभालाई हराउँदै किज अष्ट्रेलियन ओपनको सेमिफाइनलमा
काठमाडौं । विश्व वरियताको चौथो स्थानकी बारबोरा क्रेजिकोभालाई पराजित गर्दै माडिसन किज वर्षको पहिलो ग्राण्डस्लाम अष्ट्रेलियन ओपनको सेमिफाइनलमा प्रवेश गरेकी छिन् ।
मंगलबार मेलबर्न पार्कमा भएको क्वाटरफाइनल खेलमा किजले फ्रेन्च ओपन च्याम्पियन क्रेजिकोभालाई ६–३, ६–२ को सोझो सेटमा हराइन् ।
किजले सेमिफाइनलमा विश्व नम्बर एक अस्लेग बार्टी र जेसिका पेगुलाबीचको विजेतासँग प्रतिस्पर्धा गर्नेछिन् ।
वरियताको ५१औं स्थानकी किज २०१५ पछि पहिलो पटक अष्ट्रेलियन ओपनको सेमिफाइनलमा पुगेकीहुन् ।
सन् २०१७को युएस ओपनको फाइनलमा सोलाने स्टेफेनसँग पराजित भएकी किजले कुनैपनि ग्राण्डस्लाम जितेकी छैनन् ।