कवि सोझो गाउँले र दीपक शम्चुलाई चितवनमा सम्मान
नेपाल प्रेस
२०७८ पुष २४ गते १४:१८
भरतपुर । बझाङका कवि सोझो गाउँले र मोरङका कवि दीपक शम्चूलाई चितवनमा सम्मान गरिएको छ ।
चितवन साहित्य परिषद्ले प्रत्येक दुईवर्षमा प्रदान गर्दै आइरहेको चिसाप कृष्णकुमारी गुरुङ साहित्य पुरस्कार २०७७ ‘मरुभूमिमा हिमपात’ कवितासङ्ग्रहका लागि सोझो गाउँलेलाई तथा हरेक वर्ष प्रदान गर्दै आइरहेको चिसाप कृष्णकृष्णा साहित्य पुरस्कार— २०७७ ‘आप्पाको अनुहार’ कवितासङ्ग्रहका लागि दीपक शम्चूलाई प्रदान गरिएको हो ।
१३८औँ लेखनाथ जयन्तीको अवसरमा शनिबार चितवन साहित्य परिषद्मा आयोजित कार्यक्रममा दुबै स्रस्टालाई नगद राशिसहित सम्मान गरिएको हो ।
कार्यक्रमका प्रमुख अतिथि गोविन्दराज विनोदी र चितवन साहित्य परिषद्का अध्यक्ष सुरेन्द्र अस्तफलले दोसल्ला, सम्मानपत्र र नगद सहित दुबै स्रस्टालाई सम्मान गरे ।
दुबै पुरस्कारको राशी १५ हजार ४५ रुपैयाँ छ ।
नेपाल प्रेस
प्रकाशित: २०७८ पुष २४ गते १४:१८
प्रतिक्रिया
सम्बन्धित खवर
