‘कठ्पुतली’ बन्यो महामारीयताकै सर्वाधिक कमाउने नेपाली फिल्म

काठमाडौं । मिश्रित समीक्षाको बाबजुद ‘कठ्पुतली’ कोभिड-१९ महामारीयता सर्वाधिक कमाइ गर्ने नेपाली फिल्म बनेको छ ।

वितरकले मंगलबार सार्वजनिक गरेको विवरणअनुसार कार्म स्टारर फिल्मले सुरुआती चार दिनमा १ करोड २० लाख ग्रस कमाइ गरेको छ ।

पहिलो दिनमै ६० लाख ग्रस बराबरको ओपनिङ गरेको फिल्मले शनिबार पनि स्थिर कलेक्सन गर्न सक्यो । आइतबार र सोमबारको ग्रस कमाइ जोड्दा फिल्मको कूल कलेक्सन करोडभन्दा माथि हुन आउँछ ।

भीमसेन लामा निर्देशित फिल्मले दर्शक र समीक्षकबाट मिश्रित प्रतिक्रिया प्राप्त गरेको छ । ट्रेलरबाट प्राप्त प्रशंसा र मिश्रित वर्ड अफ माउथको प्रभाव फिल्मको कमाइमा देखिएको छ ।

दक्षिण भारतीय पिल्म पुष्पा र हलिउड फिल्म स्पाइडरम्यानको दबदबा बाबजुद नेपाली फिल्म कठ्पुतलीले राम्रो कमाइ गर्न सकेको हो । दुईवर्षअघिदेखि सुरु भएको महामारीयता सबैभन्दा बढी कमाइ गर्ने नेपाली फिल्म पनि कठ्पुतली बनेको छ ।

फिल्मको प्राविधिक पक्षलाई दर्शकले रुचाएका छन् ।