आविष्कार केन्द्रले बनाएको बेबी वार्मर ज्योति विकास बैंकले वितरण गर्यो
नेपाल प्रेस
२०७८ पुष २० गते १७:२५
काठमाडौं । ज्योति विकास बैंकले विभिन्न स्वास्थ्य चौकीलाई बेबी वार्मर प्रदान गरेको छ ।
लिपानिबिर्ता स्वास्थ्य चौकी, हेटौडा अस्पताल, बेतिनी सामुदायिक स्वास्थ्य चौकी, चन्द्रनिगाहपुर अस्पताल र इनरुवा अस्पताललाई बेबी वार्मर प्रदान गरेको हो ।
वितरण गरिएको बेबी वार्मर राष्ट्रिय आविष्कार केन्द्रद्वारा स्वदेशमै आविष्कार गरिएको छ ।
बैंकले ५ वटा अस्पतालहरुलाई नवजात शिशुको शारिरिक तापक्रम उचित राख्न प्रयोग हुने बेबी वार्मर प्रदान गरेको हो ।
आयोजित कार्यक्रममा ज्योति विकास बैंकका विभिन्न पदाधिकारीले बेबी वार्मर हस्तान्तरण गरेका हुन ।
बैंकले अस्पतालका डाक्टर, नर्स लगायत विभिन्न सम्बन्धित कर्मचारीहरुलाई बेबी वार्मर संचालन सम्बन्धि विशेष तालिम पनि दिएको छ ।
नेपाल प्रेस
प्रकाशित: २०७८ पुष २० गते १७:२५
प्रतिक्रिया
सम्बन्धित खवर
