माधव नेपालले भने : चुनावमा कसैको बहुमत आउँदैन, केपी ओली गफाडी नम्बर १ (भिडिओ)

काठमाडौं । नेकपा एकीकृत समाजवादीका अध्यक्ष माधवकुमार नेपालले अब आउने निर्वाचनमा कुनै पार्टीको बहुमत आउने अवस्था नरहेको बताएका छन् । एमाले एक्लैले बहुमत ल्याउने दावी गरिरहेका केपी ओलीलाई उनले गफाडीको संज्ञा दिए ।

काठमाडौंमा आयोजित एक कार्यक्रममा नेपालले सत्तारुढ दलहरुले राष्ट्रिय सभादेखि उपचुनावसम्म मिलेर लड्ने सहमति भइसकेको दावी गरे । संसदीय चुनावमा पनि सहकार्यका लागि छलफल भइरहेको उनको भनाइ छ ।

नेपालले भने, भने, ‘यो देशमा गठवन्धनको सरकार लामो समय रहने सम्भावना छ । तर, केपी ओलीले एक्लै बहुमत ल्याउँछु भनिरहेका छन् । फुर्ति त कम छैन हेर्नुस । उनलाई गफाडी नम्बर एक भनेर गिनिजबुकमा नाम लेखिदिए हुन्छ । अरुलाई अपमान र तेजोबध मात्रै गर्ने र पिडा दिने उहाँको स्वभाव छ । परपिडक नम्बर एक केपी ओलीलाई भनिदिए हुन्छ ।’

नेपालले ओलीलाई सुध्रिन र गल्ति महसुस गर्नका लागि आफूहरुले अझै आग्रह गरिरहेको बताए ।