नेपाल आइडलको चौंथो सिजन प्रसारण सुरु, पहिलो भागमा अडिसन राउन्ड देखाइने

काठमाडौं । चर्चित नेपाली टेलिभिजन गायन रियालिटी सो ‘नेपाल आइडल’को चौंथो सिजन आजदेखि प्रसारण सुरु हुँदैछ । एपीवान टेलिभिजनबाट प्रत्येक साता बिहीबार र शुक्रबार बेलुका ८ बजे प्रसारण हुने जनाइएको छ ।

आजको पहिलो भागमा अडिसन राउण्ड प्रसारण हुने निर्माताले जनाएका छन् । पछिल्लो समय नेपाली टिभी च्यानलहरुमा विश्वमा लोकप्रिय रियालिटी सोका फ्रेन्चाइज सोहरु प्रसारण भैरहेका छन् । नेपाल आइडलले पनि अघिल्ला तीनैवटा सिरिजबाट चर्चा बटुलेको छ ।

चौंथो सिजनमा पनि जजहरु परिवर्तन भएका छन् । संगीतकार शम्भुजित बास्कोटा, गायक सुगम पोखरेल र गायिका सुबानी मोक्तान निर्णायकको रुपमा यस सिजनमा छन् । नेपाल आइडल सिजन ४ ’लाई आसिफ शाह र रेश्मा घिमिरेले होस्ट गर्दैछन् ।