शुक्रबार २४६ संक्रमित थपिए, कोभिडले हुने मृत्यु शून्य
नेपाल प्रेस
२०७८ मंसिर १७ गते १६:०६
काठमाडौं । पछिल्लो २४ घण्टा मुलुकमा २४६ जना कोभिड संक्रमित थपिएका छन् । ७८३६ नमुना परीक्षण (६४ सय पीसीआर र १४३६ एन्टीजेन) परीक्षण गर्दा ती संक्रमित थपिएका हुन् ।
सोही अवधीमा ३४७ जना बिरामी निको भएका छन् भने १ लाख ७५ हजार जनाले कोभिडविरुद्धको खोप लगाएका छन् ।
पछिल्लो २४ घण्टामा कोभिड संक्रमणको कारण कसैको पनि मृत्यु भएको छैन । आजसम्म ६९२१ जना सक्रिय संक्रमित रहेको स्वास्थ्य मन्त्रालयले जनाएको छ ।
काठमाडौं र ललितपुरमा मात्र ५०० भन्दा बढी सक्रिय संक्रमित छन् । सुनसरी, भक्तपुर, कास्की, नवलपरासी पूर्व, बाँके र कैलालीमा सक्रिय संक्रमित संख्या २०० भन्दा कम छ ।
नेपाल प्रेस
प्रकाशित: २०७८ मंसिर १७ गते १६:०६
प्रतिक्रिया
सम्बन्धित खवर
