उत्तर अमेरिकाका नेपाली भाषी लक्षित डान्स र गायन रियालिटी सो घोषणा

काठमाडौं । दुई नयाँ गायन र नृत्यसम्बन्धी टेलिभिजन रियालिटी सोको घोषणा भएको छ । मंगलबार राजधानीमा आयोजित पत्रकार सम्मेलनमा मेरो डान्सकप युएसए र मेरो भ्वाइसकप युएसए सिजन दुई सो आयोजना हुन लागेको जानकारी दिइयो ।

दुबै सोको अडिसन नोभेम्बर २७ देखि अमेरिकामा सुरु हुने भएको छ । मेरो डान्सकप युएसए जनवरीबाट सुरु हुने भएपछि मिति तोकिएको छैन । यो सोको निर्णायकमा दिलिप रायमाझी, केकी अधिकारी, शंकर विसी र नरमान राई रहने भएका छन् ।

मेरो भ्वाइस कप सिजन २ को निर्णायकमा भने गायक प्रमोद खरेल हुने भएका छन् । अमेरिका र क्यानडामा बसोबास गर्ने नेपाली भाषीले यी दुबै रियालिटी सोमा भाग लिन पाउने भएका छन् ।

इन्ट्रा नेसनल वेलफेयर एन्ड सपोर्ट फाउन्डेसन अफ अमेरिकाले सोको आयोजना गर्न लागेको हो । संस्थाका अध्यक्ष डिल्ली अधिकारीले ती सोले नेपाली भाषाबीच सांस्कृतिक निकटता ल्याउने बताए ।

उक्त संस्थाले नेपालमा रहेका ज्येष्ठ भुटानी शरणार्थीलाई राहत सामाग्री प्रदान गर्दै आएको छ ।

तस्बिरहरु : गौरब पौडेल/नेपाल प्रेस