नेपाली डिजाइनरको पहिरनमा ‘सूर्यवंशी’ प्रमोसन गर्दै कट्रिना

मुम्बइ । कट्रिना क्याफ र अक्षयकुमार भोलिदेखि विश्वव्यापी रिलिज हुने फिल्म ‘सूर्यवंशी’ प्रवद्र्धनमा व्यस्त छन् । कोरोना महामारीले बल्ल रिलिज हुने मौका पाएको फिल्म शुक्रबारदेखि नेपाली हलमा समेत प्रदर्शन हुनेछ ।

यसैसाता सूर्यवंशी जोडी कपिल शर्माको कमेडी सोमा फिल्मको प्रमोसन गर्न पुगेका थिए । उक्त अवसरमा कट्रिनाले लगाएको आउटफिटले सबैको ध्यान तान्यो । उनले ब्लू डाइ प्रिन्टेड पहिरन लगाएकी थिइन् ।

उक्त पहिरनलाई नेपाली फेसन डिजाइनर प्रबल गुरुङले डिजाइन गरेका हुन् । स्लिभ्समा कट्रिना आकर्षक देखिएकी छिन् । प्रबलले सन् २०२२ को लागि यो स्कर्ट तयार पारेका थिए ।

 

View this post on Instagram

 

A post shared by Katrina Kaif (@katrinakaif)

‘ब्यूटीफुल इन ब्लू’ प्रबलले कट्रिनाको तस्बिर सेयर गर्दै इन्स्टाग्राममा लेखेका छन् । फिल्म सूर्यवंशीमा कट्रिना र अक्षयकुमारले झन्डै दशकपछि स्क्रिन सेयर गरेका छन् ।

सूर्यवंशीमा अजय देवगण र रणवीर सिंहको पनि मुख्य भूमिका छ भने रोहित सेठ्ठीले निर्देशन गरेका हुन् ।