पहिलो त्रैमासिकमा अधिकांश बैंकको मुनाफा बढ्यो, सर्वाधिक कमाउने एनआइसी एसिया

काठमाडौं । नेपालका बाणिज्य बैंकहरुले चालु आर्थिक वर्षको पहिलो त्रैमासिक प्रतिवेदन सार्वजनिक गरेका छन् । यस अवधिमा अधिकांश बैंकहरुको मुनाफा गत वर्षको तुलनामा केही बढेको देखिएको छ ।

चालु आर्थिक वर्षको असोज मसान्तसम्ममा एनआईसी एसिया बैंकले सबैभन्दा धेरै मुण्नाफा आर्जन गरेको छ । बैंकले प्रकाशन गरेको अपरिष्कृत वित्तीय विवरणका अनुसार यस बैंकले १ अर्ब १८ करोड ६ लाख रुपैयाँ खुद नाफा आर्जन गरेको छ, जुन गत वर्षको तुलनामा १५.६४ प्रतिशतले बढी हो ।

गत वर्ष यस बैंकले १ अर्ब २ करोड १० लाख रुपैयाँ नाफा कमाएको थियो । बैंकको खुद ब्याज आम्दानी, सञ्चालन आम्दानी र नेट फी तथा कमिसन आम्दानी बढेका कारण बैंकको मुनाफा बढेको बैंकले जनाएको छ । मुनाफा बढे पनि बैंकको प्रतिसेयर आम्दानी भने घटेको छ । गत वर्ष रु ४१.१४ प्रतिसेयर आम्दानी घटेर चालु आर्थिक वर्षको पहिलो तीन महिनामा रु ४०.८४ पुगेको छ ।

सबैभन्दा धेरै मुनाफा आर्जन गर्ने सुचीको दोस्रो स्थानमा नबिल बैंक रहेको छ । यो आर्थिक वर्षको पहिलो तीन महिनामा नविल बैंकले १ अर्ब ११ करोड २२ लाख रुपैयाँ मुनाफा आर्जन गरेको छ । गत आर्थिक वर्षको सोही अवधिको तुलनामा बैंकको मुनाफा ७. ३९ प्रतिशतले बढेको हो ।

खुद आम्दानी बढे पनि बैंकको ‘इम्परमेन्ट चार्ज’ बढ्दा बैंकको मुनाफा प्रभावित भएको छ । यस अवधिमा बैंकको ब्याज आम्दानी करिब ४२.४१ प्रतिशत र सञ्चालन मुनाफा ७.१३ प्रतिशतले बढेको छ । एनआईसी एसिया बैंकको जस्तै यस बैंकको पनि प्रतिसेयर आम्दानी घटेको छ । गत आर्थिक वर्षको पहिलो क्वाटरमा रु ३९.९४ रहेको प्रतिसेयर आम्दानी चालु आर्थिक वर्षको सोही अवधिमा घटेर ३२.१४ मा झरेको छ ।

एनएमबी बैंकले ४२ प्रतिशतले आफ्नो मुनाफा बढेको बिबरण सार्वजनिक गरेको छ । बैंकले पहिलो ३ महिनामा १ अर्ब ४ करोड ४४ लाख नाफा आर्जन गरेको जनाएको छ । नाफासँगै यस बैंकको प्रति सेयर आम्दानी गत वर्षको तुलनामा २५ प्रतिशतले बढेको छ । प्रतिसेयर आम्दानी रु २०.५८ बाट बढेर रु २५.५९ पुगेको हो । यस बैंकको आम्दानी साथै फी कमिसनसमेत बढेका कारण मुनाफामा बृद्धि भएको छ ।

ग्लोवल आइएमई बैंकले पनि नविलको हाराहारीमा नै मुनाफा आर्जन गरेको छ । यसले मुनाफा गत आर्थिक वर्षको पहिलो तीन महिनाको तुलनामा ५.०४ बढी अर्थात् १ अर्ब २२ करोड खुद नाफा कमाएको छ । बैकको स्प्रेड दर ५.०३ प्रतिशतबाट घटेर ३.४९ प्रतिशतमा पुगेकाले बैंकको खुद ब्याज आम्दानी करिब १० प्रतिशतले घटेको छ । ब्याज आम्दानीमा कमी आउँदा बैंकको नाफामा दबाब परेको बैंकले जनाएको छ ।

एनएमबी बैंकसँगै सानिमा बैंकको पनि प्रतिसेयर आम्दानी बढेको छ । गत वर्ष रु १६.६४ रहेको बैंकको प्रतिसेयर आम्दानी चालु आर्थिक वर्षको सोही अवधिमा बढेर रु २३.४६ पुगेको छ । बैंकको मुनाफासमेत ५२ प्रतिशतले बढेर ५६ करोड ७८ लाख रुपैयाँ पुगेको विवरण बैंकले प्रकाशित गरेको छ ।

यसैगरी नेपाल बैंक लिमिटेडको मुनाफा करिब १७ प्रतिशतले बढेको छ । चालु आर्थिक वर्षको पहिलो ३ महिनामा यस बैंकले ७५ करोड ७८ लाख रुपैयाँ मुनाफा आर्जन गरेको छ । यस बैंकको मुनाफा बढे पनि प्रति सेयर आम्दानी भने घटेको छ ।

लक्ष्मी बैंकको मुनाफा पनि गत आर्थिक वर्षको पहिलो ३ महिनाको तुलनामा ७७ प्रतिशतले बढेको छ । यस अवधिमा लक्ष्मी बैंकले ५५ करोड २८ लाख रुपैयाँ नाफा कमाएको छ । नाफा बढेसँगै बैंकको प्रतिसेयर आम्दानी रु ७.९५ बाट बढेर रु २०.६८ पुगेको छ ।

यसैगरी एभरेष्ट बैंकले गत वर्षको तुलनामा ४ प्रतिशत बढी मुनाफा आर्जन गरेको छ । यस बैंकले पहिलो ३ महिनामा ५७ करोड ८९ लाख नाफा कमाएको छ ।

यसैगरी हिमालयन बैंकको मुनाफा गत आर्थिक वर्षको पहिलो तीन महिनाको तुलनामा २६ प्रतिशतले बढ्दै ४५ करोड २८ लाख रुपैयाँ पुगेको छ । हिमालयन बैंकसँग मर्जरको क्रममा रहेको नेपाल इन्भेष्टमेन्ट बैंकले पहिलो क्वाटरमा ९२ करोड ३७ लाख रुपैयाँ खुदा नाफा कमाएको छ । जुन गत वर्षको तुलनामा ४८ प्रतिशतले बढी हो । बैंकको खुद ब्याज आम्दानी करिब २२ प्रतिशतले घटे पनि अन्य प्रकारका आम्दानीहरु बढ्दा बैंकको नाफा बढेको हो ।

यसैगरी एभरेष्ट बैंकले गत वर्षको तुलनामा ७२‍।७९ प्रतिशत बढी मुनाफा आर्जन गरेको छ ।

अधिकांश बैंकको मुनाफा बढे पनि प्रभु बैंक, प्राइम बैंक, कुमारी बैंक र नेपाल बंगलादेश बैंकको मुनाफा भने घटेको छ । नेपाल बगलालादेश बैंकको करिब २८ प्रतिशत र कुमारी बैंकको १०।१९ प्रतिशतले खुद नाफा घटेको हो ।

प्रभु बैंक र प्राइम बैंकको मुनाफा भने घटेको छ । प्राइम बैंकले चालु आर्थिक वर्षको पहिलो ३ महिनामा ९७ करोड ७९ लाख रुपैयाँ खुदा नाफा कमाएको छ । जुन गत वर्षको तुलनामा ३.९ प्रतिशतले कम हो । बैंकको यस अवधिमा खुद ब्याज आम्दानी ९.६ प्रतिशतले घटेपछि बैंकको सञ्चालन मुनाफा करिब २.६७ प्रतिशतले र खुदा नाफा पनि घटेको हो ।

यस बैंकले गत वर्षको तुलनामा सञ्चित जगेडा कोष बृद्धि गरेको छ भने नाफामा आएको गिरावटसंगै प्रतिशत सेयर आम्दानीमा पनि घटेको छ ।

यता प्रभु बैंकको मुनाफा गत वर्षको पहिलो ३ महिनाको तुलनामा चालु आर्थिक वर्षको सोही अविधमा २५.१४ प्रतिशतले घटेको छ । यस बैंकले गत आर्थिक वर्ष करिब ८५ करोड खुद नाफा आर्जन गरेकमा चालु आर्थिक वर्षको पहिलो क्वाटरमा ६३ करोड ६३ लाख रुपैयाँ मात्रै नाफा कमाएको छ । बैंकको खुद ब्याज आम्दानी घटेको तथा इम्परमेन्ट चार्ज बढेपछि बैंक नाफामा कमि आएको छ । यद्यपी बैंकले आफ्नो जगेडा कोष ९.२६ प्रतिशतले बढाएको छ ।

बैंकको मुनाफा: