ईपीएलः काठमाडौंविरुद्ध पोखराले टस जितेर फिल्डिङ रोज्यो

काठमाडौं । एभरेष्ट प्रिमियर लिग (ईपीएल)अन्तर्गत सोमबार हुने दोस्रो खेलमा काठमाडौं किङ्ग्स–११ विरुद्ध पोखरा राइनोजले टस जितेर फिल्डिङ गर्ने भएको छ । त्रिवि क्रिकेट मैदानमा केही बेरमा सुरु हुने खेलका लागि पोखराका कप्तान विनोद भण्डारीले टस जितेर फिल्डिङ रोजेका हुन् ।

सुरुआती चार खेलबाट ५ अंक जोडेको पोखरा यसअघि नै प्ले अफमा पुगिसेकेको छ । तर, तीन खेलमा दुई अंक मात्र जोडेको काठमाडौंले भने आजको खेलमा जित हासिल गरे प्लेअफमा स्थान बनाउने छ ।

हालसम्म चितवन टाइगर्स, भैरहवा ग्लाडिएटर्स र पोखरा राइनोज प्ले अफमा पुगिसकेका छन् । आजको खेलमा काठमाडौंले आजको खेलमा जित हासिल गरे प्लेअफमा स्थान सुरक्षित गर्नेछ भने ललितपुर बाहिरिने छ ।