आइतबार ६ सय संक्रमित थपिए, ७ जनाको मृत्यु
१४ सय संक्रमणमुक्त
नेपाल प्रेस
२०७८ असोज १७ गते १६:४१
काठमाडौं । पछिल्लो २४ घण्टामा आइतबार मुलुकमा ६७९ जनामा कोरोनाभाइरस संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार १०९२० जनाको नमुना (७०७० पीसीआर र ३८५० एन्टिजेन) परीक्षण गर्दा ती संक्रमित थपिएका हुन् ।
सोही अवधिमा १४०५ जना संक्रमणमुक्त भएका छन् भने कोरोना संक्रमणका कारण ७ जनाको मृत्यु भएको छ ।
पछिल्लो २४ घण्टामा २६४१९ जनाले कोरोनाविरुद्धको खोप लगाएको मन्त्रालयले जनाएको छ ।
हाल देशभर सक्रिय संक्रमितको संख्या १६ हजार ८०४ रहेको छ । जसमध्ये १५ हजार ५३४ जना होम आइसोलेसनमा र १२७० जना संस्थागत आइसोलेसनमा छन् ।
अहिलेसम्म कोरोनाले ११ हजार १६४ जानले ज्यान गुमाइसकेका छन् भने ७ लाख भन्दा बढी निको भएका छन् ।
नेपाल प्रेस
प्रकाशित: २०७८ असोज १७ गते १६:४१
प्रतिक्रिया
सम्बन्धित खवर
