बलिउडमा हेभिवेट भीडन्त तय : जनवरी ७ मा भन्साली भर्सेस राजामौली

काठमाडौं । सन् २०२२ को पहिलो साता बलिउडमा अहिलेसम्मकै ठूलो बक्सअफिस आमनेसामने हुने भएको छ ।

यो हेभिवेट भीडन्त एसएस राजामौली भर्सेस र संजयलीला भन्साली हुनेछ । भारतीय संचारमाध्यमका अनुसार जनवरी ७ मा गांगुबाइ कटीवाली र आरआरआर प्रदर्शन निश्चित भएका छन् ।

संयोगवश यी दुबै फिल्ममा अजय देवगण र आलिया भाटको मुख्य भूमिका छ । यी दुई फिल्मसँग सोही मितिमा जयन्ती लाल गेंडा समेत प्रदर्शन हुने भएको छ ।

कात्तिक ६ गतेदेखि मुम्बईका फिल्म हलहरु खुल्ने भएपछि अहिले बलिउडमा फिल्म प्रदर्शनको मिति घोषणाको वर्षा भएको छ । कात्तिक ६ गते अक्षयकुमार स्टारर सूर्यवंशी प्रदर्शन हुनेछ ।