ईपीएल क्रिकेटमा नायिकाहरुको आकर्षण

काठमाडौं । यसैसातादेखि काठमाडौंको कीर्तिपुरमा एभरेस्ट प्रिमियर लिग (ईपीएल) सुरु भएको छ । कोरोना संक्रमणमा कमी आएपछि नेपालको पहिलो फ्रेन्चाइज क्रिकेट आयोजना भएको हो ।

पाकिस्तानका पूर्वकप्तान साहिद अफ्रिदीको सहभागिताले अझ ईपीएलको रौनक बढाएको छ । ईपीएलमा खेलप्रेमी मात्र होइन, नेपाली फिल्मका नायिकाहरुको आकर्षण पनि देखिएको छ ।

दिनैपिच्छे आफ्नो मनपर्ने टीमलाई समर्थन गर्न होस् या खेलमा इन्जोय गर्न नायिकाहरु कीर्तिपुर ग्राउन्ड पुग्ने गरेका छन् । वर्षा शिवाकोट, वर्षा राउत र साम्राज्ञी शाहसम्मका नायिकाहरु खेल हेर्न कीर्तिपुर पुगेका थिए ।

नायिका निशा अधिकारी पनि ईपीएलको पोस्ट-म्याच कन्फ्रेन्सकी होस्ट हुन् । निशाका पति शरद भेसवाकर भैरहवा ग्लाडिटियर्सका खेलाडी समेत हुन् । क्रिकेट हेर्न गाएका तस्बिरलाई नायिकाहरुले सामाजिक संजालमा सेयर गर्ने गरेका छन् ।

कतिपय नायिका चाहिँ ईपीएलका स्पोन्सरहरुको ब्रान्ड एम्बेसडर समेत रहेकाले उनीहरु प्रबद्र्धनका लागि पनि त्यहाँ जाने गरेका छन् ।