बाह्रविसेको दुरुमथलीमा १५ बेडको अस्पताल निर्माण सुरु, दुर्गमका वासिन्दा खुसी

सिन्धुपाल्चोक । दोलखासँग सीमा जोडिएको सिन्धुपाल्चोकको हिमाली क्षेत्र कर्थलीको दुरुमथलीमा १५ बेड क्षमताको सुविधा सम्पन्न अस्पताल निर्माणको सुरुवात भएपछि स्थानीय खुसी भएका छन् । बाह्रविसे नगरपालिका- १ कर्थलीको दुरुमथलीमा सुविधासम्पन्न अस्पताल निर्माण हुने भएपछि उपचारका लागि टाढा जानु पर्ने बाध्यता अन्त्य हुने भएपछि स्थानीय खुसी भएका हुन् ।

सामान्य उपचारका लागि पनि बाह्रविसे बजारसम्म आउनु पर्ने हिमाली क्षेत्रका स्थानीय अब को केही वर्ष पछि भने आफ्नै गाउँमा सबै रोगको उपचार हुने भएपछि खुसी भएका हुन् । दुरुमथलीको स्थानीय समाजसेवी श्याम शेर्पाले अस्पताल निर्माणका लागि ५ रोपनी जग्गा निःशुल्क प्रदान गरेपछि अस्पताल निर्माणको औपचारिक सरुवात भएको हो । समाजसेवी शेर्पाले ५ रोपनी निःशुल्क र ५ रोपनी ५ वर्षको लागि निःशुल्क लिजमा जग्गा अस्पताल निर्माणका लागि प्रदान गरेका छन् ।

समाजसेवी शेर्पाको आमा बुबा सवर्गीय ग्यालछिरी शेर्पा र ग्याल्गी बुट्टी शेर्पाको स्मृतिमा आफ्नो गाउँमा निर्माण हुने अस्पतालका लागि शेर्पाले जग्गा दान गरेका थिए ।

नेपाली सेनाको पुर्व प्रधानसेनापति अभिमान सिंह बस्नेतको नाममा स्थापना गरिएको अभिमान सिंह फाउण्डेशनको सहयोगमा दुरुमथलीमा निर्माण हुने अस्पतालको बाह्रविसे नगरपालिकाका मेयर निमफुञ्जो शेर्पाले शिलन्यास गरेका थिए । आफुहरुको दुर्गम गाउँमा अस्पताल निर्माण गर्ने दाताहरु आएपछि हर्षित भएका दुरुमाथलीबासीले भव्य स्वागत गरेका थिए ।

शेर्पा समुदायको स्थानीय स्याप्रु नृत्य र शेर्पाभाषको गितसंगीतमा दाताहरुको स्वागतमा दुरुमथली बासीहरु लामबद्ध भएका थिए । उपचारका लागि टाढा जानुपर्ने बाध्यता हामीलाई थियो,अब गाउँमा नै अस्पताल बनाउन उहाँहरु गाउँमाआउनु भएको छ,हामी गाउँका मान्छे खुसी छौ स्थानीय दालामु शेर्पाले भने ।

१६ करोड ५० लाख रुपियाँको लागतमा निर्माण हुने अस्पताल छिटोमा ३ बर्ष र ढिलोमा ५ वर्ष भित्र निर्माण सम्पन्न गरेर स्थानीयलाई हस्तान्तरण गरिने फाउण्डेशनका अध्यक्ष सुदिपमान सिंह बस्नेतले जानकारी दिए ।

अभिमान सिंह फाउण्डेशनले सातै प्रदेशका ७७जिल्लामा नै गरीव, दुःखी,असहाय र पिछडीएको वर्गको उपचारका लागि विकट बस्तीमा अस्पताल निर्माण गर्न लागिएको अध्यक्ष बस्नेतले जानकारी दिए । ‘सबै जिल्लामा अस्पताल निर्माणका लागि ५ अरब ५० करोड खर्च हुने अनुमान गरेका छौ ’बस्नेतले भने कुल बजेटको ८५ प्रतिशत कार्यक्रम र १५ प्रतिशत मात्रै प्रशासनिक कार्यमा खर्च गरिने छ ।

अस्पताल निर्माणका लागि मुख्य सहयोग भारतको आरटीआई च्यारिटीएबल ट्रस्टले गर्नेछ भने नेपालको स्थानीय सरकार र एनआरएन सँगको साझेदारीमा फण्ड जुटाउने अध्यक्ष बस्नेतले बताए ।

आफ्नो नगरपालिकाको विकट बस्तीका स्थानीयलाई स्वास्थ्य सुविधा प्रदान गर्ने उदेश्यले अस्पताल निर्माण सुरु गरेकामा बाह्रविसे नगरपालिकाको मेयर निमफुञ्जो शर्पाले खुसी व्यक्त गरे । ‘हाम्रो विकट ठाउँमा आएर अस्पताल निर्माणको सुरुवात गर्नुभएको छ, नगरपालिकाको तर्फबाट अस्पताललाई गर्नुपर्ने सबै सहयोग गर्न तयार छु’ मेयर शेर्पाले भने ।

सोही वडाका अध्यक्ष बमबहादुर तामाङले आफ्नो कार्यकाल अन्तिम हुदै गर्दा अस्पतला निर्माण सुरु भएपनि आफु पदमा नभएपनि अस्पताल निर्माणका लागिआफुले सधै सहयोग गर्ने प्रतिबद्धता व्यक्त गरे ।

बाह्रविसे नगरखेलकुद विकास समितिका अध्यक्ष समेत रहेका सामाजिक अभियन्ता श्याम शेर्पाले आफुले सुरुदेखि नै गाउँमा अस्पतालन बनाउन खोजे पनि अहिले आएर त्यो सपना पुरा भएको बताए ।

कर्थलीको दुरुमाथलीमा अस्पताल निर्माण भएपछि बाह्रविसे नगरपालिकाको घोर्थली, त्रिपुरासुन्दरी गाउँपालिकाको चोकटी लगायत वडाका स्थानीयलाई प्रत्यक्ष फाइदा पुग्नेछ । दोलखाको बिगु गाउँपालिकाको केही वडाका स्थानीय समेत यहाँ अस्पताल निर्माण सम्पन्न भएपछि उपचारका लागि आउने स्थानीयले जानकारी दिए ।