सी डिभिजन छनोटका खेलाडीसँग ओलीको भेट, सम्झिए आफ्नो खेल

काठमाडौं । नेकपा एमालेका अध्यक्ष केपी शर्मा ओलीले सी डिभिजन छनोट खेलिरहेका खेलाडीसँग छलफल तथा भेटघाट गरेका छन् ।

नेकपा एमाले झापा-काठमाडौं सम्पर्क मञ्चको कार्यक्रममा ओलीले दुवै टोलीलाई बधाई दिए । उनले केही साथीहरूले जित्नुस् भनेरै शुभकामना दिए पनि जिते मात्र आफूले बधाई दिने बताए ।

जारी प्रतियोगितामा प्रथम, दोस्रो र तेस्रोलाई क्रमश: २ लाख, १ लाख र ५० हजार दिने उनले घोषणा गरे । झापाली दुवै क्लबलाई नेकपा एमाले झापा-काठमाडौं सम्पर्क मञ्चले समान ५१ हजार १ रूपमा प्रदानसमेत गरेको छ ।

४/५ वर्षअघि आफूले रंगशालामा खेलेको मैत्रीपूर्ण खेलको ओलीले सम्झना गरे । तत्कालीन प्रधानमन्त्री ११ को नेतृत्व गरेका थिए । जुन टोली मुख्यसचिव ११ सँग ३-२ ले हारेको थियो ।