आकाशलाई प्रश्न : प्रेमको ‘आकाश’ मा ‘युद्ध’ किन हुन्छ (भिडिओ)

काठमाडौं । पूजा शर्मासँगको प्रेमबाट अलग भएपनि नायक आकाश श्रेष्ठलाई अहिले विगतले पछ्याइरहेको छ । पूजासँगको सम्बन्धलाई लिएर अहिले पनि मिडियाको प्रश्नले आकाशलाई छाडेको छैन ।

मंगलबार राजधानीमा आयोजित म्युजिक भिडिओ लन्च कार्यक्रममा आकाशले यस्तै प्रश्नको सामना गर्नुपर्‍यो । पूजा अहिले युद्ध बानियाँ नामक नयाँ युवकको प्रेम सम्बन्धमा रहेको चर्चा छ ।

प्रेमको आकाशमा युद्ध किन हुन्छ ? एक संचारकर्मीले घुमाउरो ढंगले सोधेको यो जवाफमा आकाशले कूटनीतिक जवाफ दिए । ‘माया प्रेममा अल्झनु हुन्न, अगाडि बढ्नुपर्छ’ उनले भने । उनको यो जवाफ सुन्दा लाग्छ, उनी विगतबाट टाढिने प्रयासमा छन् ।

मेल भर्सनमा ‘तिम्रो नग्मा’ गीत लन्च :

स्वरुपराज आचार्यको स्वर समावेश गीत ‘तिम्रो नग्मा’ उक्त कार्यक्रममा लन्च गरियो । दीपक सिलवालको शब्द तथा संगीत रहेको गीतमा जुम्ल्हाया दिदीबहिनी जोडी प्रिन्सी र प्रिज्मा खतिवडा र आकाशले अभिनय गरेका छन् । माइकल चन्दले भिडिओ निर्देशन गरेका छन् ।