राष्ट्रिय क्रिकेट टोलीको मुख्य प्रशिक्षकबाट वाटमोरको राजीनामा
काठमाडौं । नेपाली राष्ट्रिय पुरुष क्रिकेट टोलीका मुख्य प्रशिक्षक डेभ वाटमोरले पदबाट राजीनामा दिएका छन् ।
अमेरिका र ओमानसँगको त्रिदेशीय श्रृंखलाका लागि राष्ट्रिय टोली लिएर ओमान पुगेका वाटमोरले इमेलमार्फत राजीनामा पठाएको बुझिएको छ । वाटमोरले राजीनामा दिएको क्यान स्रोतले पुष्टि गर्यो ।
‘इमेल आएको छ, सेप्टेम्बर १९ पछि लागु हुनेगरी वाटमोरले राजीनामा दिनु भएको छ ,’ स्रोतले भन्यो ।
अस्ट्रेलियन सञ्चारमाध्यमले सामाजिक सञ्जाल ट्वीटरमार्फत वाटमोरले राजीनामा दिएको खुलासा गरेका थिए ।
‘डेभ वाटमोरले नेपाली राष्ट्रिय क्रिकेट टोलीको मुख्य प्रशिक्षकबाट राजीनामा दिएका छन्,’ न्युज नाइनले भनेको छ, ‘वाटमोरले यसबारे केही नबोले पनि उनको व्यवस्थापन टोलीले फर्स्ट स्पोर्ट्स इभेन्टले न्युज नाइनसँग पुष्टि गरेको छ ।’
Exclusive | Dav Whatmore resigns from the position of head coach of the Nepal cricket team
While Dav wasn't available to comment on the matter, his management team @1stSportsEvent1 has confirmed the development to News9. pic.twitter.com/GpfEEnMLui
— News9 (@News9Tweets) August 27, 2021