मंसिरमा युथ एथलेटिक्स च्याम्पियनसिप हुने

काठमाडौं । एथलेटिक्स परिवार नेपालले आगामी मंसिर १८ गते काठमाडौंमा ‘युथ एथलेटिक्स च्याम्पियनसिप-२०७८’ आयोजना गर्ने घोषणा गरेको छ ।

पुरुष र महिलातर्फ यू-१६ र यू-२० उमेर समूहमा सञ्चालन हुने च्याम्पियनसिपमा यू-१६ मा १२ र यू-२० मा १६ इभेन्ट गरी कूल २८ इभेन्टमा प्रतिष्पर्धा हुनेछ ।

वर्षमा तीन प्रतियोगिता गर्ने एथ्लेटिक्स परिवारको घोषणा

पुरुष तथा महिला यू-१६ तर्फ ६०, १ सय र ८ सय मिटर दौड साथै सटपुट थ्रो, लङ्गजम्प, ४ गुणा १ सय मिटर रिले हुने परिवार नेपालका अध्यक्ष राजन खत्रीले जानकारी दिए ।

त्यस्तै, यू-२० महिला तथा पुरुषतर्फ १ सय, ४ सय, ८ सय र ३ हजार मिटर दौड साथै लङ्गजम्प, हाईजम्प, सटपुट थ्रो, ४ गुणा १ सय मिटर रिले दौड प्रतियोगिता सञ्चालन गर्ने उनले बताएका छन् ।