सुप्रान्यासनलमा नेपालको प्रस्तुति बिर्सनलायक, सिमल अन्तिम २५ बाटै बाहिर

काठमाडौं । यसवर्षको मिस सुप्रान्यासनल पेजेन्टमा नेपालको प्रस्तुति कमजोर देखिएको छ । अन्तिम २४ भित्र पनि नेपालले स्थान बनाउन सकेन । अन्य विधाहरुमा पनि नेपाल प्रभावशाली देखिएन ।

नेपालको तर्फबाट भाग लिएकी सिमल कनौजियाको प्रतिस्पर्धा बिर्सनलायक रह्यो । उनी टप २४ मा पनि समावेश नभएको मिस नेपाल आयोजक संस्था द हिडन ट्रेजरले जनाएको छ ।

सिमल बिहीबार नेपाल फर्कने कार्यक्रम छ । यसवर्षको मिस सुप्रान्यासनलमा नामिबियाकी चानिकी रेबीले उपाधि जितेकी छिन् । फस्ट रनरअप पुएर्तो रिको, सेकेन्ड रनरअप साउथ अफ्रिका, थर्ड रनरअप भेनेजुएला र फोर्थ रनरअप डोमिनिकन रिपब्लिक भएका छन् ।

यसैबीच, डिसेम्बर १९ मा हुने विश्व सुन्दरी प्रतियोगिताको लागि मिस नेपाल नम्रता श्रेष्ठले तयारी थालेकी छिन् ।