महामारीपछिको पुनरागामन राम्रो हुन नसकेकोमा ओशाका दुखी
एजेन्सी । विश्व नम्बर दुई टेनिस खेलाडी नाओमी ओशाकाले गत वर्ष महामारीपछि फर्किएकाे खेलकुदमा समर्थक र शुभचिन्तककाे अपेक्षाअनुसार प्रदर्शन गर्न नसकेकाेमा नरमाइलो लागेको बताएकी छन् ।
यी जापानी खेलाडी बुधबार सिनसिनाटी ओपनमा अमेरिकी किशोरी कोको गउफलाई हराएपछि बोलिरहेकी थिइन् । उनले मे महिनामा फ्रेन्च ओपनबाट नाम फिर्ता लिनुको कारणबारे पनि चर्चा गरिन् । फ्रेन्च ओपनका क्रममा सन्चारमाध्यमसँग कुराकानी गर्नु आफ्नो मानसिक स्वास्थ्यका लागि हानिकारक भएको भन्दै उनले प्रतियोगिता छाडेकी थिइन् ।
‘मलाई यी सबै कुराले किन असर गरिरहेको छु भनेर म आश्चर्यमा छु । मलाई मिडियाबाट टाढा हुनै दिइएन,’ उनले भनिन्, ‘कहिलेकाहीँ सन्चामाध्यममा खेलाडीहरु हारेपछि ठूला ठूला शीर्षकमा समाचार आउँछ । अझ अर्को दिन त ‘एक पतन’, ‘अव उनी त्यति माहान रहेनन्’ जस्ता समाचार आउँछ, जसले मेरो डर अझै बढाइदिन्छ ।’
‘खेलाडीलाई बाहिर निस्केर खेल्ने विकल्प, समर्थकहरुको प्रत्यक्ष उपस्थिति, मानिसहरुले हामीलाई बाहिर निस्केर खेलिरहेको हेर्न थालेका छन् । यो सबै तपाईका लागि उपलब्धी हो । मेरा लागि पनि हो । तर मैले यी उपलब्धीलाई संस्थागन गर्नुको सट्ट उनीहरुलाई निराश बनाउने सुरु गरेकी थिएँ,’ उनले थपिन्, ‘मैले यो उपलब्धीलाई विचार गरिनँ । त्यसैले मलाई नरमाइलो लागिरहेको छ ।’