राष्ट्रिय महिला फुटबल टोलीको बन्द प्रशिक्षणबाट बाहिरिए १७ खेलाडी(भिडियो)

काठमाडौं । राष्ट्रिय महिला फुटबल टोलीको बन्द प्रशिक्षणको दोस्रो चरणमा २८ खेलाडी छनोट भएका छन् । अखिल नेपाल फुटबल संघ (एन्फा)ले दिएको जानकारी अनुसार मुख्य प्रशिक्षक ग्यारी फिलिप्सले प्रारम्भिक चरणमा बोलाएका ४५ खेलाडी मध्ये ३९ खेलाडी बन्द प्रशिक्षणमा सहभागी थिए ।

नेपाल पुलिस क्लबका पाँच खेलाडी परिक्षाका कारण र एक खेलाडी कोभिड पोजेटिभ आएका कारण प्रशिक्षणमा सामेल भएनन् । उक्त ३९ जनाबाट १७जना प्रशिक्षणबाट बाहिरिएका छन् ।

फिलिप्सले २८ खेलाडीलाई दोस्रो चरणको प्रशिक्षणमा डाकेका छन् । राष्ट्रिय महिला टोली एएफसी एसिएन कप छनोटको तयारी गरिरहेका छन् । छनोट खेलमा नेपाल फिलिपिन्स र हङकङ् संगै समुह ‘एफ’मा छ ।

बन्द प्रशिक्षणमा रहेका खेलाडीहरुः

अन्जना राना मगर, एन्जिला सुब्बा, उषा नाथ, अमिशा कार्की, अमृता जैशी, अनिता बस्नेत,अनिता केसी, अन्जली वाइबा, विमला बिक, विमला चौधरी, दिपा राई, गीता राना, हिमा चौधरी, हिरा भुजेल, इन्द्र राई, मनिषा राउत, मन्जली थोकर, निशा थोकर, प्रिती राई, पुजा राना, पुनम जर्गा मगर, रजनी थोकर , रश्मी घिसिङ, रेनुका नगरकोटी, सबिता राना, सरु लिम्बु, शर्मिला थापा, सिर्जना सिंह