गीत हिट भएपछि ‘कुरा बुझ्न पर्च’ टीमद्वारा सक्सेस-सेलिव्रेसन (तस्विरहरु)

काठमाडौं । युट्युव ट्रेन्डिङको शीर्ष स्थानमा उक्लिएपछि ‘कुरा बुझ्न पर्च’ गीतको टीमले बिहीबार राजधानीमा एक कार्यक्रमको आयोजना गरी सक्सेस सेलिव्रेट गरेको छ ।

वान सिनेमाज्मा आयोजित कार्यक्रममा उक्त गीतको समूहले बलात्कारविरुद्ध कार्य गर्ने सामाजिक संस्था रक्षा नेपाललाई २५ हजार २५० रुपैयाँ नगद, सेनिटरी प्याड र चाउचाउ प्रदान गर्‍यो ।

साथै, सो अवसरमा गीतमा योगदान दिने सदस्यहरुलाई सम्मान पनि प्रदान गरियो । संगीतकार तथा लेखक समेत रहेका प्रकाश सपुतले रक्षा नेपाल र गीतमा फिचर्ड स्वस्तिमा खड्का र आँचल शर्मालाई सम्मान प्रदान गरे ।

गीतमा शान्तिश्री परियार र समीक्षा अधिकारीले स्वर दिएका छन् । गतसाता रिलिज भएको यो गीतलाई ४६ लाख पटक हेरिएको छ भने युट्युव ट्रेन्डिङको शीर्षस्थानमा छ ।

गीतले नारी सशक्तीकरणको सन्देश दिन्छ ।