मिस नेपाल अमेरिकाको मुख्य प्रशिक्षकमा माल्भिका सुब्बा चयन

न्यूयोर्क । मिस नेपाल अमेरिका २०२१ प्रतियोगिताको मुख्य प्रशिक्षकमा पूर्वमिस नेपाल माल्भिका सुब्बा चयन भएकी छिन् । आगामी सेप्टेम्बर २३ देखि २५ सम्म न्यूयोर्कमा प्रतिस्पर्धा हुँदैछ ।

मिस नेपाल अमेरिकाको यो संस्करणसँगै आयोजक संस्थाले पनि स्थापनाको १० औं वर्षगाँठ सेलिवे्रसन गर्दैछ । प्रतियोगितामा भाग लिन इच्छुकले सेप्टेम्बर १, २०२१ सम्म आवेदन दिन सक्ने भएका छन् ।

नेपाली र अमेरिकी सांस्कृतिक सम्बन्धलाई बलियो तुल्याउन उद्यमी अमितप्रताप शाहले पेजेन्ट गर्दै आइरहेका छन् । यो प्रतिस्पर्धामार्फत अहिलेसम्म नेपाली र अमेरिकी महिलाले शिक्षा र सशक्तीकरणका लागि ८० हजार डलर बराबरको सहयोग प्राप्त गरेका छन् ।

सन् २०२१ मा न्यूयोर्कबाट सुरु भएको मिस नेपाल अमेरिकाको पहिलो संस्करण सुजिता बस्नेतले जितेकी थिइन् ।