भ्वाइस अफ नेपालको किड्स संस्करणमा प्रमोद र प्रविशा कोचको रुपमा घोषणा

काठमाडौं । अब बालबालिकालाई लक्षित गर्दै द भ्वाइस अफ नेपालको किड्स संस्करण हुने भएको छ । नेपाल प्रेससँग कुरा गर्दै निर्देशक लक्ष्मण पौडेलले डिजिटल अडिसन सुरु भएको बताए ।

किड्स संस्करणका लागि कोचहरुमा प्रमोद खरेल र प्रविशा अधिकारी फाइनल भएका छन् भने थप दुई कोचको घोषणा केही दिनमा हुने भएको छ । कोचले पूर्णता पाएपछि ब्लाइन्ड अडिसनको सुरुआत हुने जानकारी उनले दिए ।

भाइरस महामारीको कारण गरिएको डिजिटल अडिसनमा प्रतिस्पर्धीको संलग्नता उत्साहजनक रहेको पौडेलले बताए । कूल ४८ जना प्रतिस्पर्धी छनौट गरेर कार्यक्रमले आगामी दुई महीनामा प्रसारण सुरु गर्ने भएको छ ।

निर्देशक पौडेलका अनुसार किड्स संस्करणको ढाँचा पनि एडल्ट संस्करणको जस्तै हुने भएको छ ।