लभ, सेक्स र धोका : नाजिर स्टारर ‘लभ सर्कल’ ट्रेलर रिलिज

काठमाडौं । नाजिर हुसेन, मुकुन भुषाल, रविन्द्र झा अभिनित फिल्म ‘लभ सर्कल’को अफिसियल ट्रेलर रिलिज भएको छ । फिल्म साउन २९ गते ओटीटी प्लेटफर्ममा रिलिज हुने जनाइएको छ ।

२ मिनेट ४६ सेकेन्ड लामो ट्रेलरमा प्रेम, यौन, अपराध र धोका चित्रण गरिएको छ । बसन्त निरौला निर्देशित फिल्मको ट्रेलरमा सुमन कोइराला, पवित्रा आचार्य र रिस्ता बस्नेत समेत फिचर्ड छन् ।

रहस्य र अपराधको कथा बुनिएको फिल्मलाई ओमप्रकाश अग्रवाल र रोशन पौडेलले निर्माण गरेका हुन् । फिल्ममा अभिमन्यु निरवीद्वारा लिखित पटकथा, दिव्य सुवेदीको छायांकन समावेश छ ।

कोरोनाभाइरस महामारीको कारण फिल्मले ओटीटीमा रिलिज योजना बुनेको हो । मीटीभको प्रस्तुतिमा ओएसआर डिजिटल प्रालिले फिल्म निर्माण गरेको हो । हेर्नूस ट्रेलर :