साउन २२ गतेदेखि भेरोसेलको दोस्रो डोज लगाइने

काठमाडौं । आगामी साउन २२ गते कोभिड–१९ विरुद्धको चिनियाँ खोप भेरोसेलको दोस्रो डोज लगाइने भएको छ ।

जिल्ला स्वास्थ्य कार्यालय काठमाडौंका अनुसार भेरोसेलको पहिलो मात्रा लगाएर तीन साता पुरा भएकालाई दोस्रो डोज दिइने भएको हो ।

१ लाख ६५ हजार जनालाई भेरोसेलको दोस्रो मात्रा लगाइने कार्यालयले जनाएको छ । दोस्रो मात्रा खोप लगाउन विद्युतीय दर्ता नम्बर र खोप कार्ड लिएर जानुपर्ने जनाइएको छ ।