रामकृष्णले ल्याए ‘नयाँ जीवन’, भिडियोमा प्रकाश सपुतले भरे प्राण (तस्विरहरु)

काठमाडौं । रामकृष्ण ढकालद्वारा स्वरबद्ध नयाँ गीत ‘नयाँ जीवन’ शुक्रबार इन्टरनेट रिलिज भएको छ । राजधानीमा आयोजित पत्रकार सम्मेलनमा गीत लन्च गरियो ।

दीपक शर्माद्वारा संगीतबद्ध गीतमा ढकाल र बेनिशा पौडेलको स्वर समावेश छ । प्रकाश सपुत, कालु राना, मोनिका बुढाथोकी र कृष्ण गीतमा फिचर्ड छन् ।

प्रेसमिटमा उपस्थित गायक तथा अभिनेता सपुतले आफू बाल्यकालदेखि नै रामकृष्ण ढकालको फ्यान भएकाले उनकै गीतमा फिचरिङ हुन पाउनु भाग्यको कुरा भएको बताए ।

कथा वाचन शैलीमा निर्माण गरिएको सांगीतिक भिडिओलाई दाम्पत्य जीवनमा आउने उतारचढाव र प्रेमलाई चित्रण गरिएको छ । प्रायः सन्देशमूलक गीतमा फिचर्ड हुने सपुतले यसमा पनि मायामा हुने इमान्दारिताको सन्देशलाई चित्रण गर्न चाहेका छन् ।

हेर्नूस गीत :