पल र मलिका फिचर्ड नयाँ गीत ‘तिम्रो मनमा ए कान्छा’ इन्टरनेट रिलिज (भिडिओ)

ठमाडौं । पल शाह र मलिका महत फिचर्ड ‘तिम्रो मनमा ए कान्छा’को फिमेल भर्सन गीत शनिबार इन्टरनेट रिलिज भएको छ । राजधानीमा आयोजित पत्रकार सम्मेलनमा गीत सार्वजनिक गरियो ।

केन्द्र मोसन पिक्चर्सले गुरुपूर्णिमाको अवसरमा आधिकारिक युट्युव च्यानलबाट गीत प्रिमियर गरेको हो । सो अवसरमा बोल्दै अभिनेता शाहले यो गीत आफ्ना सबै गुरुहरुप्रति समर्पित भएको बताए ।

पछिल्लो समय निकै रुचाइएको पल र मलिकाको जोडी यो डान्सिङ नम्बरमा पनि आकर्षक देखिएको छ । निकिता थापाको स्वर र निमा राईको संगीत रहेको गीतलाई सान थापाले निर्देशन गरेका हुन् ।

पल र मलिकाले यसअघि केन्द्र मोसन पिक्चर्सकै दुई हिट म्युजिक भिडिओ तिमी टाढा भएपनि र फुलबुट्टे सारीमा अभिनय गरेका छन् । यी दुईजनाले उक्त कम्पनीसँग ६ महीनाका लागि अनुबन्धित भएको कुरा पनि प्रकाशमा आएको थियो ।

हेर्नूस गीत :