बुहारीको बचाउमा उत्रिइन् प्रियंकाकी सासु रविना, भन्छिन् : बडी र बिकिनी मात्र देख्नुहुन्छ भने तपाईं खराब हुनुहुन्छ !

काठमाडौं । यतिबेला नायिका प्रियंका कार्कीको गर्भावस्थाका तस्विरलाई लिएर सामाजिक संजालमा निकै चर्चा छ । उनको पक्ष र विपक्षमा टाइमलाइन विभाजित छ ।

कतिपयले उनको समर्थनमा स्टेटस लेख्दै महिला सशक्तीकरणको कुरा उठाएका छन् । कतिपयले उनका तस्विरहरु सामाजिकरुपमा अनुपयुक्त भन्दै विरोधका स्वरहरु प्रस्तुत गरिरहेका छन् ।

प्रियंका सम्बन्धित फिल्म क्षेत्र भने यसबारे मौनप्रायः छ । कसैले पनि यसबारे टिप्पणी गरिरहेका छैनन् । पूर्वप्रधानमन्त्री बाबुराम भट्टराई लगायतका हाइप्रोफाइल सामाजिक संजालका प्रयोगकर्ता प्रियंकाको बचाउमा उत्रिएका छन् ।

तर, प्रियंकाको परिवार भने यो विवादमा बुहारीको समर्थनमा उत्रिएको छ । बैंकरसमेत रहेकी प्रियंकाकी सासु रविना देशराज श्रेष्ठले बुहारीको निकै प्रशंसा गरेकी छिन् ।

 

View this post on Instagram

 

A post shared by Raveena Desraj Shrestha (@raveenadesrajshrestha)

उनी इन्स्टाग्राममा लेख्छिन्, ‘तपाईंले एउटी गर्भवती महिलामा बडी र बिकिनीमात्र देख्नुभयो भने मान्नूस तपाईं खराब हुनुहुन्छ । मेरी प्रिय पिंकु यस्तो फोटोमा अतिरिक्त सुन्दरी देखिएकी छिन् । उनी बिकिनी लगाउन मन पराउँछिन् र यसमै आरामदायी र खुशि महसुस गर्छिन् । म चाँडै दहीच्यूरा खुवाउन आतुर छु ।’